Ақ ниет: Халықаралық ұйыммен байланыс  

  
Халықаралық Оқу Ассоциациясы – бұл жаһандық жүйе. Ол жеке тұлға мен
білім мекемесін біріктіріп, әлемдік сауаттылықты сыни тұрғыдан ойлау арқылы
жүзеге асырады.

              
Халықаралық Оқу Ассоциациясының 80000- нан астам мүшесі бар. Олар білім
берудің тиімді жолдарына жан-жақты зерттеулер 
жүргізу арқылы өздерінің кәсіби деңгейін көтеруде.Халықаралық Оқу
Ассоциациясының филиалы Қазақстан Оқу Ассоциациясы болса, "Сыни  тұрғыдан ойлауды дамыту” қоғамдық бірлестігі
оның облыстық филиалы болып табылады.

      Халықаралық Оқу
Ассоциациясының  2003-2008 жылдардағы
тұрақты мүшелері, "Сыни ойлауды дамыту” қоғамдық бірлестігінің тренерлері -
С.Қ.Абитова мен  Ж.О.Мусаева

-------------------------------------------------------------------------------------------------------------------------------

  
Этнографиялық
зерттеулер "Ақ ниет” гимназиясында

Этнографиялық зерттеулер- адамдардың күнделікті
өмірін тұрмыс жағдайында бақылау және жазбаша бейнелеу. Бұндай зерттеулер
жүргізу үшін ғалым болу міндетті емес, ол өмірде адамдармен байланысы бар
мамандық үшін қажет, ал мұғалімдер үшін ерекше маңызды. Сонымен бірге
оқушылардың осы тұрғыдағы бақылаулары мен жазбалары оларды руханилыққа және
дәстүр мен отбасы, қоғам арасындағы қатынасты түсінуге үйретеді.

        
Осы жобамен жұмыс істейтін мұғалімдер сабақ шеңберінен шығып,
оқушылардың этнографиялық зерттеулеріне жетекшілік ете бастады.

Солтүстік Айова университетінің профессоры Давид Ландистің басқаруымен
Республикамызда 4 мұғалім оқушылардың этнографиялық зерттеулеріне жетекшілік
етеді. Оның екеуі біздің гимназияның мұғалімдері. Олар: Абитова С., Мусаева Ж.

--------------------------------------------------------------------------------------------------------------------------------------------------------

Халықаралық Оқу
Ассоциациясының мүшелері АҚШ-тың Оклахома Университетінің профессоры Салли Бич
пен Канададағы Саскичеван Университетінің профессоры Анжела Уорд мұғалімдердің
сабақтарына қатысып, жақсы баға берді.

Оқушылардың этнографиялық зерттеулері АҚШ-тың Айова штатында өткен
Халықаралық конференцияға қатыстырылып, халықаралық журналдарда жарияланды.

Назарларыңызға рахмет !